ROMEO HANXHARI

Marr nga panorama

Përkuleni kokën djathtas

“Të përkulësh kokën djathtas. Unë kujtoja se kjo ishte një njohuri e përbashkët e të dy partnerëve, por partnerja ime përkuli kokën majtas, kur unë u përkula djathtas për ta puthur dhe kjo ishte e pavolitshme.”- tregon Sam. Prandaj këshilla e parë është pozicionimi për të dhënë puthje të përshtatshme, duke lejuar lëvizjet e kokës në harmoni me lëvizjet e partnerit. Prandaj çdo grua që e harron këtë, duhet të tregohet e vëmendshme “Koka djathtas”.

Merrni një vlerësim

Mos u frikësoni dhe as mos u ndjeni në siklet pse do iu duhet të mësoni nga të tjerët artin e puthjes. Ju mund të mësoni të puthni duke imituar lëvizjet e partnerit. Kështu pak nga pak puthjet tuaja do të jenë të këndshme, të ëmbla, aspak agresive dhe eksituese. Kështu ju do të merrni edhe vlerësimin e partnerit për puthjen tuaj.

Mbyllini sytë

“Ish-e dashura ime, për disa arsye, i mbante gjithmonë sytë hapur kur putheshim bashkë. Kjo më shkaktonte një ndjesi të çuditshme dhe më bënte të mos ndihesha mirë. Mos vallë mimika ime ishte qesharake kur puthja dhe ajo më shihte për këtë arsye?”- shprehet Jon. Vërtet sytë e hapur gjatë puthjes mund të krijojnë situatë të pakëndshme. Mbyllini sytë dhe shijoni puthjen.

Lëvizini duart

Duart duhet të jenë gjithmonë në lëvizje për ta bërë puthjen më joshëse. Përkëdhelni fytyrën e partnerit, trupin, lëmoni flokët, për ta rikarrikuar puthjen e për ta zgjatur në kohë. Puthja nuk duhet të jetë vetëm kontakt buzë me buzë, vini në veprim dhe duart.

Shkëputeni puthjen për pak çaste

Gjatë kohës që putheni largohuni nga pak, merrni frymë thellë dhe rifilloni një puthje pasionante. Kjo pauzë do të shërbejë si ndezën i hormoneve dhe dëshirës.

Mos mbani çimçakiz gjatë puthjes

Nuk është aspak e këndshme që t’i ndërsa puthesh me partnerin ndjen çimçakizin në gojën e tij. Sa ju pëlqen kjo? Për pjesën më të madhe kjo do të përbënte problem dhe nuk do të lejonte që puthja të ishte perfekte.

Shmangni puthjet e tepruara

Nuk janë të rralla rastet kur mund të teprohet me puthjet. Mundohuni që puthja që ju jepni dhe merrni të mos i pështiroset partnerit. Gjithçka duhet të jetë e ëmbël, joshëse, harmonike me lëvizjet e partnerit dhe aspak e tepruar

marr nga Mia

Këto janë fjalët e teknikut të Barcelonës Pep Guardiola në lidhje me 11-metërshin e dytë të akorduar për Barcelonën, 11-metërsh që ndezi protestat e lojtarëve të Milanit.

“Po dëgjoj të thuhet se fituam nga penalltia e dytë që na u akordua, por penalltia e Alexis në ndeshjen e parë është harruar. Ibrahimovic tha që e kupton Mourinho-n, por unë them që është e pesta herë radhazi që arrijmë gjysmëfinalet e Champions. Barcelona ime flet në fushë me rezultate”, shtoi Guardiola pas fitores së ekipit të tij ndaj Milanit me rezultatin 3-1 dhe kualifikimit për në gjysmëfinale.

Më pas, tekniku katalanas lavdëroi futbollistët e tij: “Iniesta është një futbollist i madh. Bën gjithçka mirë në fushën e lojës. Është një djalë që i respekton të gjithë, fantastik. Pique dhe Xavi janë shumë të lodhur, por dhanë gjithçka për ekipin.”

“Jam shumë i kënaqur sepse kemi pasur shumë raste ndaj një ekipi italian, por nuk mund të fitohet ndaj Milanit 6-0. Mendoj se e kemi merituar plotësisht kualifikimin”, përfundoi Guardiola.

top-channel

TIRANË- Në 8 maj kryeqytetasit iu drejtuan kutive të votimit për të zgjedhur kryebashkiakun e tyre, por u deshën plot 15 ditë me debate, protesta, kontestime e akuza për tu shpallur rezultati përfundimtar i Tiranës.

Më 23 maj në orën 23:04 KQZ i dha fund pritjeve duke shpallur fitues kandidatin Lulzim Basha me 81 vota më shumë se kandidati tjetër Edi Rama. Me 4 vota pro dhe 3 kundër KQZ i dha përfundimisht miratimin kandidaturës së Bashës.

Prej mbrëmjes së sotme Lulzim Basha është kryebashkiaku zyrtar, edhe pse PS e ka ankimuar cështjen në Kolegjin Zgjedhor, i cili pritet të japë verdiktin e tij, në favor të Bashës apo Ramës.

REPLIKA GJONCAJ-RISTANI
Ora 22:51 Përfaqësuesi i PS Gensi Gjoncaj ka replikuar me kraun e KQZ Arben Ristani duke i thënë se tashmë cdo shqiptar është i lirë të kandidojë për kryetar bashkie pasi aim und të shpallet fitues nga tavolina e KQZ.
‘Pas kësaj që keni vendosur dhe do të vendosë pas disa minutash cdo kush në këtë vend ka të drejtë të kandidojë dhe të bëhet fitues jo me votën e popullit por në tavolinë. Gjithcka ca kishte synim në këto 5 ditë mbledhje ishte ndryshimi i vendimit për Tiranën.
Ndërkohë kreu i KQZ Arben Ristani tha se KQZ po përpiqet të pasqyrojë vetëm realitetin. ‘Marrja e rezutatit në tavolinë është kur përdoren truke procedurale për të ndryshuar realitetin, ne po pasqyrojmë realitetin, por ju nëpërmjet trukeve procedurale doni të ndryshoni rezultatin’,- theksoi Ristani

GJONCAJ: E VETMJA KOPETENCË E KQZ TË BËNTE SHUMATOREN E 11 KZAZ
Ora 22:40 Pas anullimit të kërkesës së PS për të shtyrë shüpalljen e rezultatit përfundimtar për Tiranësn përfaqëusesi i PS në KQZ Genci Gjoncaj ka marrë fjalën duke rënditur shkeljet që KQZ ka kryer me këtë vendim.
‘Jemi në përfundim të një procesi për përfundimin e tabelës për Tiranën. Ky proces ka ardhur në shkelje të hapur të ligjit dhe Kodit Zgjedhor. Teksa dëgjova diskutimet e anëtarëve të KQZ se tashmë në do bëjmë aritmetikën e rezultateve, kjo është detyra e KQZ, por pse nuk e bëtë kur duhet, kjo duhet të ishte bërë dhe kjo është ajo që kemi kërkuar, më së fundi KQZ u bind se duhet të bënte vetëm aritmetikën e rezultateve të 11 KZAZ’,- deklaroi Gjoncaj.
Ndërkohë që Gjoncaj renditi shkeljet që sipas saj gjatë këtij procesi ka kryer KQZ me vendimarrjen e saj.
“Ky është një process që nuk mund të marrë vendimin për një process të rregullt ligjor. Ai ka sjellë shkelje flagrante të Kodit Zgjedhor se ka ndryshuar tabelat e rezultateve, është ndërhyrë pa procedurë ankimore duke ndryshuar tabelat e rezultateve të Tiranës dhe duke ndryshuar vendimet e tyre, duhet të sjellë në veëmednje se vendimmarja e deri tanishme e KQZ është marrë me 4 vota pro pa korumin e përcaktuar nga KQZ që e bën të pavlefshme vendmimarrjen e saj . KQZ nuk ka pasur asnjë kopetencë për të ndryshuar vendimmarjen e KZAZ, pasi e vetmja kopetencëe ka qënë tabela përmbledhëse të madhe për Tiranën. E vetmja kopetencë e KQZ të bënte shumatoren e 11 kzaz. Ky vendim ka ardhur për arsye se KQZ përcaktoi rregullat për përgatitjen e rezultatit të Tiranës. Ju po ndryshoni rezutlatet e KZAZ. Ka ardhur përsëri me përcaktimëet ligjore se me vendimarrjen e saj janë rivlersuar sit ë vlefshme votat e shpallura të pavlefshme’,- theksoi Gjoncaj.

GJONCAJ: DUA TË RISHIKOJ MATERIALET QË KENI NDRYSHUAR NË TABELËN PËRMBLEDHËSE
Ora 22:37- Përfaqësuesi i PS-së Genc Gjoncaj kërkoi në mbledhjen e KQZ-së të rishikojë materialet e ndryshuara aktualisht në tabelën përmbledhëse, pasi sipas tij nuk i ka këto të dhëna që ia garanton ligji.
“Duke qenë se do shpallni rezultatin përfundimtar, duke qënë se janë bërë ndërhyrje në tabelën përmbledhëse dua të rishikoj materialin e ndryshimeve që keni bërë në tabelën përmbledhëse”, tha Gjoncaj.
Kryetari Ristani nuk e miratoi edhe këtë kërkesë.

KQZ , RRËZON KËRKESËN E PS PËR ANULLIMIN E SHPALLJES SË REZULTATIT PËRFUNDIMTAR
Ora 22:29 KQZ me 4 vote pro dhe 2 kundër ka rrëzuar kërkesën e përfaqësuesve të PS për të pezulluar vendimin për shpalljen e vendimit përfundimtar për kreun e bashkisë së Tiranës.
Sipas kreut të KQZ kërkesa e PS është e pabazuar në ligj dhe jo logjike.
‘Lidhur me kërkesën për pezullimin e shqyrtimit nuk mund të kemi një mendim tjetër, kërkesa është e pa bazuar në ligj dhe pa arsyetim logjik. Nuk po zgjidhim një mosmarrëveshje dhe ta zgjidhim, por po ushtrojmë vendimarrjen tonë. Kërkesa juaj është alogjike, pasi i keni kërkuar gjykatës të ndërpresim një vendim, ta ndërpresim shpalljen e rezultatit derisa gjykata ta marrë vendimin është alogjike’, -nënvizoi Ristani.

SUBASHI: KU JANË TABELAT PËR CDO QENDËR VOTIMI?
Ora 22:27- Teksa KQZ-ja pritet të shpallë rezultatin për Tiranën mbledhja shoqërohet me debate. Nënkryetarja Subashi deklaron se ajo nuk ka në tryezë ne saj rezultatet e 854 qendrave të votimit ashtu sic rekomandon neni 123.

“Neni 123 kërkon që të jenë të pasqyruara të gjitha qendrat e Tiranës, pra të pasqyrohen tabelat e cdo qendre votimi. Është hera e parë që KQZ shpall një rezultat pa pasur tabelat e grupeve të numërimit në KZAZ. Problemi është që unë dua të shikoj tabelat. Dua të shikoj këto materiale”, tha Subashi.

ZGURI: KA RRUGË LIGJORE PËR TË KUNDËRSHTUAR
Ora 22:24 Klement Zguri anëtar i KQZ tha se vendimi për shpalljen e Tiranës duhet të merret, më pas cdo subkjekt mund të ankimojë vendimin e KQZ.‘Merret një vendim kundër, por pasi vendimi merr formë nuk mund të kundërshtohet. Cdonjëri ka detyrim për ta kundërshtuar. Ka rrugë ligjore për tu ankuar në Kolegj. Në të kundërt jemi të detyruar për të respektuar vendimin e KQZ’,- tha Zguri.

SUBASHI: DUA 24 ORË PËR TË PARË SHIFRAT
Ora 22:16 nëkryetarja e KQZ ka kërkuar 24 orë kohë për të parë tabletat e 11 njësive në kryeqytet nga të cialt do të shpallet rezultati përfundimtar për kreun e bashkisë së Tiranës.
“Pak ditë më parë kam kërkuar njerrjen e tabelës së KZAZ 49. Më cudit fakti se vetëm për gjysëm ore na vijnë tabelat për 11 njësi që askush nuk i ka parë. Shikohet njëanshmëria në rezultatin e Tiranës dhe në shqyrtimin e mbledhjeve, dua 24 orë për të parë shifrat’,- deklaroi Subashi.

GJOCAJ: KQZ ËSHTË PADITUR NE GJYKATË DHE NUK DUHET TË SHPALLË REZULTATIN
Ora 22:11 Përfaqësuesi ligjor i PS në KQZ në u kërkoi kreut të këtij institucioni që të mos shpallë vendimin përfundimtar për Tiranën pasi KQZ është e paditur në Gjykatën e Apelit dhe nuk mund të marrë një vendim të tij ndërkohë që ka një padi ndaj saj.
‘Jemi përpara faktin se KQZ është paditur në gjykatën e Apelit në Kolegjin Zgjedhornë Tiranë. Pra kjo cështje është objekt shqyrtimi dhe kj cështje nuk mund të vendoset ndërkohë që është në shqyrtim nga ana e gjykatës. Ekzistion ky moment procedurial dhe duhet të mbahet parasysh nga KQZ përderisa kjo cështje i është drejtuar gjykatës’,- deklaroi Gjocaj.

KQZ SHPALL TABELËN PËRMBESHËSE PËR TIRANËN, BASHA NË AVANTAZH ME 81 VOTA
Ora 22:00 KQZ ka ndryshuar tabelën e saj përmbledhëse të rezultateve për Tiranën në faqen e saj on-line. Kjo tabelë pritet që të miratohet në mbledhjen që KQZ ka parashikuar në orën 22:00. Nga kjo tabelë kandidati i PD Lulzim Basha ka marrë 124786 vota, kandidati I PS Edi Rama ka marrë 124705 vota, Hysni Milloshi I PKSh ka marrë 1394 vota. Në tabelën përmledhëse të KQZ Basha është në avantazh me 81 vota. Sipas KQZ ne kryeqytet ka gjithsej 250 880 vota të vlefshme për Tiranën, Nga këto vota KQZ pritet të miratojë vendimin për Tiranën.

KQZ MIRATON TABELËN PËR KZAZ 49
Ora 21: 34 KQZ pas shumë debatesh të cilë kanë shoqëruar jo vetëm mbledhjen e sotme ka miratuar tabelën përmlbedhëse të rezultateve për KZAZ 49, respektivisht njësia numër 5. Miratimi i tabelës së KZAZ 49 i hap rrugën miratimit të tabelës përmbledhëse të rezultateve për kreun e bashkisë së Tiranës e cila do të dalë nga shumatorja e 11 njësise të kryeqytetit. Nga rezultatet e kësaj KZAZ për 65 kutitë e numëruara kandidati i PS Edi Rama ka marrë 19154 vota, kandidati i PD Lulzim Basha ka marrë 14491 vota, Hysni Milloshi ka marrë 149 vota. Përfaqësuesit e PS-së në KQZ kundërshtuan miratimin e tabelës përmbledhëse të KZAZ nr. 49, me pretendimin se për këtë çështje duhet të shprehet më parë Kolegji Zgjedhor.
Përfaqësuesi ligjor i PS-së, Genci Gjoncaj i kërkoi KQZ-së të mos shpallë asnjë rezultat derisa pritet vendimi i Kolegjit Zgjedhor për tabelën përmbledhëse të KZAZ-së 49 dhe kërkoi që të pezullohet vendimi për këtë projekt deri sa të shprehet Kolegji Zgjedhor. Ky propozim u hodh poshtë nga kryetari i KQZ-së, Arben Ristani, i cili e konsideroi këtë kërkesë si “jo logjike”.

GJONCAJ: TABELA E KZAZ 49, DUHET TË SHPREHET KOLEGJI ZGJEDHOR
Ora 21:20- Me rinisjen e mbledhjes së KQZ-së Përfaqësuesi ligjor i PS-së Genci Gjoncaj i ka kërkuar KQZ-së të mos shpallë asnjë rezultat përderisa pritet vendimi i Kolegjit Zgjedhor për tabelën përmbledhëse të KZAZ-së 49.
“Është paraqitur kërkesë padia që i përket palëve ku ka paditur KQZ. Vendimin për tabelën përmbledhëse për KZAZ 49 nuk mund ta marrë KQZ-ja pa u shprehur Kolegji Zgjedhor”.
Gjoncaj theksoi më tej se “Kërkojmë që të pezullohet vendimi i këtij projekt vderi sa të shprehet Kolegji Zgjedhor”.

SHIU NDËRPRET PROTESTËN E PS
Ora 20:22 Ka përfunduar edhe për sot protesta e Partisë Socialiste dhe mbështetësve të saj para KQZ. Kushtet e papërshtatshme atmosferike bënë që protesta e socialisteve të përfundojë më shpejt sec ishte parashikuar. NEWS24 rapoton se edhe gjatë kësaj proteste kanë folur mbështetës dhe deputetë socialist ku ka rënë në sa fjalë e deputetit Taulant Balla i cili ka deklaruar se nëse KQZ do e miratojë projekt/aktin do ketë një reagim ekstrem duke mos njohur qeverinë. Gjithashtu Balla ka theksuar se cdo vendim që merr KQZ është i paligjshëm. Protesta e PS ka mpërfunadur me thirrjen nga ana e PS për qytetarët që të mblidhen sërisht nesër në orën 10:00 para KQZ.

MIRATOHET PR/AKTI, KQZ MERR 20 MINUTA PUSHIM
Ora 20:10- Kryetari i KQZ-së Arben Ristani pas miratimit me debate të projekt/aktit për rezultatin e Tiranës ka kërkuar një pushim 20 minutësh për të rinisur më pas me miratimin e tabelës përmbledhëse për KZAZ-në 49. Projekt akti mori 4 vota pro dhe 3 kundër dhe u miratua pas 3 orësh debate.

ZGURI: VOTA SHPREH VULLNETIN E POPULLIT
Ora 19:28 Anëtari i KQZ Klement Zguri tha se problematika e hedhjes së votës në kutinë e gabuar është bërë dhe nga komisionerët socialist kështu që kj oështë një procedurë e saktë, pasi nuk mund të nxirret e pavlefashme një votë që shpreh vullnentin e qytetarëve.
‘Nuk mund të nxirret e pavleshme një votë që shpreh vullnetin e qytetarëve. 18 .5. 2011 ka kërkuar se procesi ka pasur një moment se qytetarët në momentin e hedhjes së votës së tyre kanë ngatëruar kutinë. Pra PS ju ka bërë më dije problematikën. Na duhet të njohim trajektoren e kërkesave dhe sot jemi para një problemi të tillë. Është vendosut një standart, në 2001 kemi numëruar vota për Dushkun, Paskuqanin, Dibrën dhe njësi administrative në Durrës dhe Tropojë. Është një procedurë që KQZ e ka vendosur me mirëkuptim’,- deklaroi Zguri.

SUBASHI: VENDIMET E KQZ TË NJËANSHME
Ora 19:00 Sipas nënkryetares së KQZ Deshira Subashi, vendimet e KQZ janëtë njëanshme dhe të parregullta.
‘Ky akt denoncon parregullshëmërinë e vendimmarjes së KQZ. Neni 33 I Kodit Zgjedhor flet për detyrat e KZAZ. Nuk ka asnjë lidhje me vendimarrejn e KQZ. Në të 10 njësitë zgjedhore të Tranës rezultati zgjedhor ka vendimmarrje. E vetmja që nuk ka është njësia 49 e cila i është referuar për vendimmarrjen KQZ . Kryetari nuk thirri mbledhjen për ta bërë këtë mbledhje, unë dhe kolegu im e kërkuam, por ende sot nuk është zhvilluar. A nuk është kjo një fakt i vendimmarrjes së një anshme.”,- tha Subashi.

PËRFAQËSUES TË PS PROTESTOJNE JASHTË KQZ-së
Ora 19:00- Teksa brenda KQZ-së po diskutohet pr/akti për rezultatin e Tiranës, jashtë ambinteve të saj përfaqësues të opozitës, të kryesuar nga deputetët e PS-së kanë nisur protestën, e cila kundërshton cdo vendim që merr KQZ-ja.

SUBASHI: KQZ KA NDRYSHUAR PROJEKTAKTIN
Ora 18:45 Nënkryetarja e KQZ në fjalën e saj tha se KQZ ka ndryshuar projektaktin që ai ka paraqitur anëtarëve të këtij komisioni, ndërkohë që theksoi se projektatkti është I deformuar në kontekstin ligjor.
“Kjo vendimmarje për Tiranën erdhi papritur, një projektakt që sot papritur u gjend në tavolinënë tonë. Akti thonte duhet të pezullohet nxjerrja e rezultatit për Tiranën dhe të bëhej numërimi i votave të gjendura në kutitë e gabura të cilat ishin të panumëruara,. Sot kemi një projektakt të ndryshuar që në kokën e tij se në aktin e parë u fol për vota për kryetarin e bashkisë së madhe sot ai përfshin gjithë njësitë e Tiranës.Ndryshimi i dytë është se projektakti i parë kishte me pak fjalë pjesën shpjeguese, ky është i vecantë. Në gjykimin tim vlerësoj se është një akt i deformuar në kontekstin ligjor dhe konfuz nga arsyetimi dhe kontradiktor nga mënyra si trajton problemet’,- deklaroi Subashi.

LAZE: PR/AKTI I KQZ DUHEJ TË ISHTE MIRATUAR MË PARË
Ora 18:34 Anëtari i KQZ, Laze theksoi se projektakti i paraqitur nga KQZ është akt normative dhe për këtë arsye duhet të ishte paraqitur më parë.
‘Ky projekvendim e ka kokën për vlerësimin e fletëve të votimit të pavlerësuara për kryetarin e bashkisë dhe për kryetar njësie dhe për këshillat baashkiak. Sa i përket debatit nëse është akt normative apo jo unë them se është normativ. Arsyeja është për mënyrën e paraqitjes së këtij akti. Si akt normativ që vendos rregulla të forta duhet të ishte miratuar 6 muaj para fillimit të ditës së votimit,- theksoi Laze.

PS PRITET TË NISË PROTESTËN
Ora 18:17 Teksa KQZ vijon debatet për projektaktin, mbështetës të shumtë të PS kanë nisur grumbullimin para KQZ për të protestuar vendimet e fundit këtij institucioni per rinumërimin e fletëve të kontestuara të cilat do të jenë vendimtare ne përcaktimin e rezultatit të Tiranës. Kjo është dita 6- të që qindra mbështetës socialist i përgjigjen thirrjes së Partisë Socialiste për të mbrojtur sipas saj cënimin e votës. Policia ka blinduar me forca të shumta KQZ si cdo protestë të mbajtur nga PS këto ditë.

MANJANI: VOTA TË SHKOJË NË DESTINACIONIN E DUHUR
Ora 17:53 Përfaqësuesi i LSI në KQZ Ylli MAnjani deklaroi se veprimi i KQZ për rinumërimin e fletëve të kontestuara ishte vendimi i duhur pasi në radhë të parë vjen interesi i votuesit.
‘KQZ kishte dy mundesi ose ta injoronte këtë fakt, duke shkelur barazinë e votës ose të gjente nje zgjidhje dhe ju zoti kryetar e gjetët një zgjidhje pavarësisht se u kundërshtua, vota meriton të shkojë në destinacionin e duhur. Në radhë të parë interesi i votuesit.’, – theksoi Manjani.

KOSOVRASTI: PS NË 2009 ‘DUA TË SHOH VOTËN TIME’, SOT NUK DO
Ora 17: 40 Sipas Njazi Kosovrastit KQZ vetëm ka bërë të mundur vlerësimin e votave të qytetarit në bazë të rregullave, pasi ajo ndodhi nga një gabim njerëzor. Ndërkohë që solli në vëmendje vitin 2009 ku PS ka bërë protesta që ajo të shihte votën e saj, tashmë sipas Kosovrastit ajo po bie në kundërshtim me ato që ajo vetë ka kërkuar.
‘Ne vendosem që vota të vlerësohet dhe numërohet, Kodi ka bërë kujdes për votën e qytetarit. Ai thotë që qytetari kur voton gabim vjen kthehet dhe i kërkon komisionit një fletë tjetër, po e bëri përsëri nuk ja jep. Vijmë në rastin konkret ashtu sic gabon në fletëtn e votimit kur shënon për kansdidatin ai gabon edhe në hedhjen e kutisë së gabuatr, pork y gabim nuk rregulohet në vend, ndaj meqënëse gabimi ishte njërëzor dhe fleta është në kuti dhe ka sigurinë që agjë e keqe nuk mund ti ndodhë. KQZ vendosi që vota e qytetarit të nuëmrohet. Zgjidhi dy problemet, kush e informonte dhe këto u morën nga KZAZ nga i cili erdhi informacioni. Si dhe kur u hap kutia nuk u prekën fletët e vleshme dhe u panë vetëm zarfët e fletëve të votimit të kontestuara dhe të pavlfshme,
Për dy vjet rrjesht në 2009 PS e coi vendin drejt situatave të pakëndshme në bazë të një këkese dua të shoh votën time, ndërkohë që sot thotë nuk e dua votën tim”,- solli në vëmendje Kosovrasti.

KOSOVRASTI: AKTI NUK ËSHTË NORMATIV
Ora 17:32- Përfshihet në debatet e nisura në KQZ për miratimin e projekt aktit edhe përfaqësuesi i PD-së Njazi Kosovrasti. Sipas tij përfaqësuesit e PS duan ta quajnë këtë akt normativ kur ai nuk është.

Përpjekje që akti të quhet normativ. Nuk ka konstatim ligjor që të thotë dicka të tjerë. Ka një element që lidhet me statusin e KQZ-zë, ajo funksionon si një KZAZ e madhe“, tha Kosovrasti.

GJOCAJ: PROJEKTAKTI I KQZ I PALIGJSHËM
Ora 17:15 KQZ ka nisur mbledhjen e mesidetes me diskutime rreth projektaktit të miratuatr nga kreu i KQZ Arben Ristani në lidhje me ndryshimin dhe përllogaritjen e fletëve të kontestara që KQZ ka numëruar gjatë kësaj jave.
Përfaqësuesi ligjor i PS Genci Gjocaj ka argumentuar se  projektakti i propozuar ka probleme si në formë ashtu edhe në përmbajtje ku sipas tij KQZ ka kryer vendime të jashtëligjshme.
‘Më duhet që diskutimin tim ta ndaj në dy monmemente, sa i takon formës dhe përmbajtjes për aq kohë sa patëm në dispozicion për tu përgatitur. Sa i takon formës projekakti i prozuar kaloi në parim në datën 18 maj dhe ky vendim është i qartë se është akt normativ i KQZ. Kur u votua në 18.5.2001 mori vetëm 4 vota pro. Por ky është akt normative se ka për qëllim rregulllin e cështjes që lidhet me zgjedhjet. Bie në kundërshtim me aktin se nuk mund të miratohet një vendim se KQZ ka marrë vendim vetëm me 4 anëtarë për aktin e paraqitur dhe që për ne ka qënë i kundraligjshëm se keni urdhëruar ndryshimin e tabelave si për kryetarët ashtu edhe për këshillat’,- deklaroi Gjoncaj.
Ndërkohë që përsa sa i takon vërejtjeve të PS për përmbajtjen e projektaktit ai nuk është në përputhje me Kolegjin Zgjedhor.
Sa i takon përmbajtjes me projektaktin ka një përpjekje të KQZ të argumentojë me bazat historike dhe teorike, pra ka përpjekje të KQZ të argumentojë vendimmarrjen e tij, por vendimi ësthë konfuz dhe jo i vërtetë, projekakti që na praqitet sot është io ndryshëm nga ai që na paraqitet më 17. 5. 2011. Ky akt nuk është në përputhje meKolegjin Zgjedhor, do e filloja me ndërhyrje pa një procedurë ankimore të KZAZ. Në KQZ janë ndryshuar tabelat ku numëruesit kishin firmosur dhe kjo bie ndesh me nenet 118 me radhë. Sipas Kolegjit Zgjedhor ndryshimi i tabelave kërkon një vendimarrje prej 5 votash, kjo përbën procedurë e KQZ të paligjshme se ka miratuar aktin 5 me 3 vota. Është KQZ që miraton tabelën përmbledhëse të numërimit dhe jo KQz. E vetmja detyrë e KQZ është të nxirte rezultatin përfundimtar nga ajo e tabelave të KQZ dhe e miraton jo më vonë se 48 orë’,- theksoi Gjocaj.

NIS MBLEDHJA E KQZ-së
Ora 17:08- Komisioni Qendror i Zgjedhjeve ashtu sic ishte parashikuar ka nisur mbledhjen e tij rreth orës 17:00. Pritet që gjatë kësaj mbledhje të shpallet rezultati për Tiranën.

KQZ SHTYN MBLEDHJEN, MBLIDHET NE 17:00 PER SHPALLJEN E REZULTATEVE
Ora 14:18: KQZ shtyn me 3 orë mbledhjen, do rinis në orën 17:00. PS kërkoi 24 orë kohë për shqyrtimin e materialit prej 60 faqesh, që ka të bëjë me aktin normativ dhe vendimin për fletët e palexuara dhe panumëruara. ( Ne aktin normativ nuk përmendet termi fletet e kontestuara). Mbi bazën e këtyre rezultateve do hartohet dhe tabela përmbledhëse për rezultatin në Tiranë. PS kërkoi 24 orë kohë për shqyrtimin e materiali, por u kundërshtua nga kreu i KQZ Ristani pasi jemi në afat e fundit të përcaktuar në ligj. Do diskutohet gjithashtu dhe tabela përmbyllëse e njesise 5. Në mbledhjen e orës 17:00 akti normativ do hidhet në votim.

KOSOVRASTI: AKTIN E DI GJITHË SHQIPËRIA, JU BËNI SIKUR NUK DINI GJË
Ora 14:10- Anëtari i djathtë në KQZ Njazi Kosovrasti theksoi se akti normative është bërë I ditur dhe më parë dhe kërkon jo më shumë se 2 orë kohë për të shqyrtuar materialet. Sipas Kosovrastit, akti ka në brendësi vendime që janë marrë këto ditë nga KQZ.
“Janë vendime që janë marrë këto ditë dhe janë parë nga gjithë Shqipëria. Tani nuk kuptoj pse kërkoni kohë, kur kjo gjë mund të kërkojë më shumë se 1 ose 2 orë kohë për të akorduar me shifrat. Të mbarojmë këtë dhe kalojmë tek tabelat përmbledhëse se po zgjatimi kot”.

KQZ NIS MBLEDHJA, DEBATE PER AKTIN NORMATIV. RISTANI: MIRATOJENI! GJONCAJ DUAM KOHE TA SHQYRTOJME
Ora 13:40- Nis mbledhja e KQZ. KQZ propozon miratimin e një akti normative me vendime të KQZ për procesin e zgjedhjeve, por anëtarët socialistë në KQZ e kundërshtojnë.
Ristani theksoi se “akti ka një pjesë arsyetuese, dhe ka një pjesë vendimarrëse mme anekse për vendime që i kemi marrë ditë pas dite e orë pas ore që është miratuar nga orë të tëra për ju”.
Por përfaqësuesi juridik i PS, Genci Gjoncaj kërkoi të dijë se kush është axhenda për sot. Ai theksoi se nuk ka dijeni për aktin normative dhe kërkoi kohë 24 orë për të shqyrtuar këtë Akt normativ.

KQZ SHPALLI SOT ONLINE REZULTATIN PARAPRAK PËR TIRANËN,  RAMA 10 VOTA PARA
Ora 12:50- Për herë të parë që pas numërimit të votave për Bashkinë e Tiranës, KQZ shpalli sot në eubsajtin online rezultatet paraprake për kryeqytetin.
Pas vlerësohet se ka perfunduar numërimi e 485 kutive gjtihsej, KQZ në rezultatet e prezantuara sot online, rendit paraprakisht kandidatin Edi Rama i Aleanca për të Ardhmen me 12 4623 vota ne krye te listës. I dyti poshte Ramës renditet Lulzim Basha me Aleanca për Qytetarin 124613 vota.
I treti ashtu Hysni Milloshi me 1391 vota.

ANËTARI I KQZ, LAZAJ: SITUATA KËTU KAOTIKE
Ora 12:40- Anëtari i KQZ, Artan Lazaj e komentoi per TVNews24 si kaotike situatën e sotme në KQZ. “Jemi në një situatë esktraligjore. Është miratuar një akt në parim, ne nuk kemi asnjë akt në letra, pra me pak fjalë një situatë kaotike që nuk dimë si do vijojë.

SHTYHET PA AFAT MBLEDHJA E KQZ
Ora 12:30- Mbledhja e sotme e KQZ eshte shtyre per te treten here. KQZ nuk ka caktuar ende nje afat se kur do te nise mbledhja ne te cilen pritet te shpallet nga ana e KQZ dhe rezultati perfundimtar per Bashkine e Tiranes. Shtyrja erdhi menjehere pas takimit qe kreu i misionit te vezhguesve te OSBE-ODIHR kreu ne KQZ me drejtues te ketij Komisioni.

KQZ SHTYN MBLEDHJEN
Ora 12:20- Mbledhja e KQZ e parashikuar per ne oren 12:00 caktohet per ne oren 12:30.

STONESTREET NË KQZ: DISKUTOVA PËR RAPORTIN E ODIHR. KUTITË? PALËT TË ZBATOJNË LIGJIN
Ora 12:00- Kreu misionit të vëzhguesve të ODIHR Jonathan Stonestreet është gjendur sot paradite rreth ores 11100 në ambientet e brendshme të KQZ. Kreu i misionit të vëzhguesve të OSBE/ ODIHR-it Jonathan Stonestreet është takuar sot me kryetarin e Komisionit Qëndror të Zgjedhjeve, Arben Ristanin dhe nënkryetaren e këtij Komisioni, Dëshira Subashi.
Pas takimit, Stonestreet ka bërë një deklaratë të shkurtër për mediat ku ka shpjeguar se me Ristanin dhe Subashin ka biseduar rreth raportit të ODIHR për zgjedhjet. Ai u shpreh se ka marrë nga KQZ informacione të nevojshme për ti shtuar në raportin përfundimtar që do të nxjerrë pas dy muajsh OSBE-ODIHR.

I pyetur për fletët e kontestuara dhe zhvillimet post-zgjedhore në Shqipëri, Stonestreet u shpreh se ai nuk e ka prekur aspak këtë cështje në bisedën e sotme dhe se nuk mund të bëjë interpretime të ligjit përsa u takon këtyre kutive. Në deklaratën për mediat, Stonestreet theksoi se në silindo rast, palët duhet të zbatojnë ligjin dhe rregullat e lojës.
Takimi i Stonestreet me Ristanin e Subashin zhvillohet pikerisht disa ore para shpalljes se rezultatit zyrtar per zgjedhjet vendore te 8 majit.

PS PROTESTON QETËSISHT. MEKSI: VJEDHJA E VOTËS NDALI PROGRESIN
11:00- Deputetë dhe mbështetës të shumtë të PS janë mbledhur në sheshin para Komisionit Qëndror të Zgjedhjeve dhe kane kërkuar që ky institucion të shpallë drejt rezultatin për zgjedhjet vendore. Ermelinda Meksi theksoi se misioni I opozitës është shumë më i madh nga sa duket. Misioni për votën e lrië tha ajo është progress për vendin, por vjedhja e votës së lirë, deklaroi deputetja në fjalën e saj, ka ndalur progresin në vend.
Te tjere deputetë të PS-së, duke marrë fjalën në protestën e radhës, denoncuan, sipas tyre, “shkeljen flagrante të ligjit dhe përpjekjen për të ndryshuar në tavolinë rezultatin për kryeqytetin”, i cili, sipas socialistëve, ka nxjerrë fitues kandidatin e PS-së, Edi Rama.

PROTESTA E PS, NMBUSHET SHESHI PARA KQZ
Ora 10:20- Ka nisur grumbullimi i njerezve jashte godines se KQZ per protesten e radhes se opozites. Ashtu sic ishte njoftuar nje dite me pare, rreth ores 10:00 nisen te mberrinin protestuesit e pare, kurse rreth ores 10:30 minuta protestuesit kane mbushur terriotirn para KQZ, ndersa ne numer te madh jane rreshtuar dhe efektive policie. Turma deri tani duket e qete, ndersa policet kane forcuar me kordona hyrjen para KQZ.

KQZ SHTYN MBLEDHJEN PER NE OREN 12:00
Ora 10:00- KQZ shtyn mbledhjen qe kishte parashikuar rreth ores 10:00 te paradites se sotme. Burime nga KQZ bene te ditur per TVNEWS24 se mbledhja do te realizohet ne oren 12:00. Pritet qe ky institucion te shpalle sot rezultatin e zgjedhjeve vendore per Tiranen. Mbledhja do te nise me hartimin e tabeles permbledhese te rezultateve per kutite me vota te kontestuara te njesise bashkiake nr 5 te KZAZ nr 49 ne Tirane, te cilat u numeruar keto ditet e fundit. Pasdite, KQZ do beje tabelen me rezultatet permbledhese per Tiranen.

RISTANI: SOT REZULTATI
Ora 07:00- Rreth orës 22:40 të mbrëmjes së djeshme, Komisioni Qendror i Zgjedhjevei dha fund procesit të numërimit të votave të kontestuara për Bashkinë e kryeqytetit.
Nga numërimi i 125 kutive në total, rezultuan 171 vota për kandidatin demokrat, Lulzim Basha dhe 83 për rivalin e tij socialist, Edi Rama.

Në një intervistë të dhënë për televizionin NEWS 24, kreu i KQZ-së, Arben Ristani konfirmoi se tashmë këtij institucioni nuk i mbetet gjë tjetër veçse të shpallë rezultatin përfundimtar për Bashkinë e Tiranës. “Nesër (sot) do të miratojmë në tërësi vendimin pasi ishte miratuar vetëm nen për nen. Më pas do të kalojmë në miratimin e tabelës përmbledhëse të rezultateve për KZAZ-në nr.49, që i përket njësisë bashkiake nr.5 dhe veprimi i tretë që do të ndërmarrë KQZ-ja do të jetë miratimi i rezultatit përfundimtar, pra miratimin e tabelave për 11 KZAZ-të e Tiranës. Këto nuk janë akte normative por vendime të KQZ. Janë vendime që sipas ligjit kërkojnë shumicën e thjeshtë që është 7 ose 4?, – u shpreh ai. Sa i përket mos aprovimit nga opozita Ristani sqaroi se ajo është e lirë që të ankimojë vendimin e KQZ në institucionet përkatëse. “Nuk është e mundur bllokimi i procesit, pasi ligji i ka miratuar valvulat e sigurisë. I vetmi vendim që do kërkon vendim të caktuar do jetë për rezultatin në gjithë Shqipërinë. Sigurisht që procesi ankimor fillon menjëherë pasi marrim vendimmarrjen tonë, miratimi i tabelës përkatëse kalon në Komision Qendror më pas në Kolegjin Zgjedhor”, – tha kreu i KQZ-së.
“Tashmë nuk bëhet fjalë për rezultate paraprake dhe për ne është përfundimtar duke marrë parasysh faktin e procesi të ankimimit, por vendimin përfundimtar mendojmë se do ta marrim deri nesër në mbrëmje vonë, – theksoi Ristani.
(d.b/m.a/e.m/BalkanWeb)

Lushnja.com

protesta ne shqiperi

TIRANE-Prej dy ditësh situata vazhdon të jetë e tensionuar. Ndërsa brenda ne KQZ vazhdon numërimi i votave të kontestuara duke u shoqëruar me debate pro e kundër mes anëtarëve të maxhorancës e opozitës, jashtë militantët dhe deputetët PS tentojnë herë pas here të thyejnë kordonin policor për të hyre në ambientet e KQZ-së. Deri tani jane 28 kuti te hapura. Basha merr 53 vota shtese. Rama 17 vota. Godina e blinduar nga policia, forcat e FNSH dhe RENEA. Protesta paralele dhe ne disa qytete. Protestuesit bllokojne akset kryesore Fier- Lushnje, Lezhe- Tirane. Djegin goma makinash.

HAPET KUTIA 20 55, 2 VOTA BASHA
Ora 14:29 Ristani: ‘Në kutinë numër 20 55 janë gjetur 3 fletë të konestura për këshill bashkiak dhe 2 për kryetar bashkie. 1 votë për këshill bashkiak shkon për LSI, 1 shkon për këshillin bashkiak për PS, 1 votë për këshillin bashkiak shkon për PD. Ndërkohë për kryetar bashkie 2 fletë votimi janë për kandidatin e PD, Lulzim Basha’.
Gjoncaj: ‘Kontestojmë rezultatin me faktin se një në të njëjtin procesverbal nga përfaqësues tuaj thuhet se ka rreth 200 fletë votimi të hedhura gabim në të gjitha kutitë. Në të njëjtët fletë shohim shënime dhe ju nuk i quani të pavlefshme. Kontestoj rezultatin se ju nuk hapni kutitë ku ka kontest për rezultatin por atje ku ka PD kontest për rezultatin, për të pasur indicie që do prodhonin rezultat për kandidatin e PD’.
Subashi: ‘Unë kontestoj vendimin tuaj. Hapni të gjitha kutitë’.
Subashi: “A ka dokumentacion për lëvizjen e këtyre fletëve të votimit’
Ristani: ‘Kutitë janë marrë nga KQZ’

DEBATE KQZ, PS: JU NUK PO NUMËRONI FLETËT NË FAVOR TË RAMËS
Ora 14:14 Kosovrasti: ‘Me finesë u trajtua ky rast i dyti nga PS. Një anëtar i KQZ konteston rastin. Zotërinjtë e PS edhe pse e kontestojnë nuk kanë thënë se e kontestojmë rastin’.
Përfaqësues të PS:’Përvec këtyre që u thanë ne kontestojmë edhe një rast tjetër se një numëruese në njësinë 2 thotë se është një fletë në favor të Bashës, një tjetër numëruese thotë se kontastova 6 fletë të kontestuara. Ju morët vetëm atë votë që i takon Bashës, dhe 6 të tjerat që i takojnë Edi Ramës nuk i numëruat.

HAPET KUTIA 20 22, 2 VOTA RAMA, 1 BASHA
Ora 14:01 KQZ ka vijuar më numërimin e kutisë numër 20 22, për njësinë 11, KZAZ 55.
Seliani: ‘KZAZ 55 i ka vlerësuar si të pavlefshme. Ju nuk keni as kopetencë ti vlerësoni dhe as ti rivlerësoni. Ju nuk mund të ndërhyni se në atë zarf janë gjetur fletë të pavlefshme dhe jo të kontestuara’.
Ristani: ‘Në këtë kuti janë gjetur fletë që nuk i përkaasin kësaj kutie, ku rezulton 1 votë për këshillin bashkiak në favor të PD, 2 vota për kandidatin për kryetar bashkie Edi Rama, 1 otë për kandidatin e PD Lulzim Basha. 1 votë e pavlefshme se është me kundër fletë’.

HAPET KUTIA 20 19, NJËSIA 11, 1 VOTË BASHA
Ora13:45 Administra: ‘Kutia 20 19 për krytar njësie bashkiake në njësinë nr 11, KZAZ 55, janë gjetur 2 fletë votimi të pavlefshme të kontestueshme. KZAZ vendosi se 1 fletë për kryetar bashkie dhe 1 fletë për kryetar të njësisë bashkiake rezultojnë të pavlefshme’.
Përfaqësuesi i PS Elidian Saliani: ‘Ju e keni marrë vendimin dhe në bazë të Kodit Zgjedhor duhet të ankimohet vednimi meqë ka dhe pastaj të procedohet’. Ju vendimmarrjen e keni dhe ne jemi për të thënë se cfarë parashikon ligji. Ju keni thënë dje se nuk ka vendim kzaz në rastin konkret ka vendim KZAZ, pasi thotë fletë të pavlefhsme të kontestuara.Neni 124 Kodit thotë se si duhet të veprohet në rast kur ëshë marrë vendimi .’
Ristani: ‘Në kutinë 20 19 të janë gjetur 2 fletë votimi që nuk i përkasin kësaj kutie, 1 fletë për kandidatin e njësisë së këshillit bashkiak që nuk ka shenjë, dhe 1 fletë votimi për kandidatin e PD, Lulzim Basha.
Subashi: ‘Unë e kontestoj , pasi kjo fletë votimi është vlerësuar nga KZAZ dhe ne nuk mund të marrim një vendim’.

RAMA: SHBA, BE, OSBE MOS LINI VETEM SHQIPERINE, REZULTATI PO NDRYSHOHET NE TAVOLINE
Ora 13. 45 Kryetari i Partisë Socialiste i bëri apel përfaqësuesve ndërkombëtarë dhe presidentit Topi për të ndërhyrë për të ndaluar atë që ai e quan maskaradë të votës së lirë. Në daljen e tij publike të orës 13. 30 minuta nga selia rozë, Rama shprehu keqardhjen për anulinim e vizitës së presidentit të KE-së, duke e cilësuar si një “sinjal aspak i mirë për Shqipërinë por dhe një reagim në një moment kur vendi ynë po përjeton dhunën e procesit zgjedhor”

“PSnuk do pushojë së kërkuari daljen nga ky qorrsokak- tha Rama duke shtuar se – Ne i kemi fituar zgjedhjet në Tiranë. Numërimi është bërë në kohë reale” ndërkohë që po ndodh “Përmbysja e rezultatit në tavolinën e KQZ, ku po bëhet dhe maskarada e votës së lirë”

Rama i kwrkoi “Ndihmë ndërkombëtarwve, tw SHBA, BE, OSBE e shba, BE, OSBE e cdo mik e partner të mos lënë vetëm Shqipërinw e shqiptarët në këtë orë dramatike.”
FIER-LUSHNJE NUK LEJOHET TË KALOHET ASNJË MJET
Ora 13:35 Në akasin rrugor Fier Lushnje për shkak të bllokimit të rrugës nga protestues të PS nuk lejohet të kalohet asnjë mjet. Një mjet po hedh inerte në rrugë me qëllim bllokimin e saj.

DIBËR, PROTESTUESIT BLLOKOJNË RRUGËN PËR NË KUKËS
Ora 13:30 Mbështetës të PS kanë bllokuar rrugën për në Kukës. Ndërkohë që nuk bëhet e ditur afati i bllokimi të rrugës.

VLORE BLLOKOHET AKSI VLORE- FIER
Ora 13. 26 Në Vlorë protestuesit kanë bllokuar aksin Vlorë-Fier tek Ura e Mifolit. Ne krye te protestes jane deputetet socialiste te PS.

NUMËROHEN 5 KUTI NË NJËSINË 4, 3 VOTA BASHA
Ora 13:02 Kryetari i KQZ ka kërkuar një 20 minuta pushim. Sot janë numëruar 5 kuti në njësinë numër 4, KZAZ 48. Ku rezultuan 3 fletë votimi për kandidatin e PD Lulzim Basha, si dhe dy fletë votimi në favor të Bashës por që u konsideruan të pavlefshme, për shkak se në njërën nga fletët vula pas saj nuk i përkiste njësisë numër 4 të votimit, ndërsa në fletën tjetër kishte një shenjë të dyshimtë.
Nga numërimi i 25 kutive rezulton kandidati i PD Lulzim Basha në avantazh me 49 vota, kandidati i PS Edi Rama me 15 vota. NEWS 24 raporton se kanë mbetur edhe 37 kuti për tu numëruar.

PROTESTA VAZHDON NE VLORE, DURRES, FIER, LEZHE, KAVAJE
Ora 12: 55 Në orën 12: 53 minuta, në Vlorë protesta e socialistëve zhvillohej në Novoselë, në Fier, autostrada Fier- Lushnje vazhdon të jetë e bllokuar prej gati 2 orësh. Në Lezhë, autostrada Lezhë Tiranë, është bllokuar prej një ore në afërsi të Lacit. Deputetët PS i kanë bërë thirrje policisë që të mos ndërhyjnë. Në Lezhë nuk është vënë re rëndim trafiku pasi makinat kanë lëvizur në një rrugë dytësore.

DURRES PROTESTUESIT PS DREJT TIRANES, BLLOKOHET AUTOSTRADA
Ora 12. 52 Në Durrës qindra militantë PS kanë protestuar duke ecur në këmbë nga Muzeu i Dëshmorëve” deri në hyrje të autostradës Durrës- Tiranë. Protestuesit kanë hyrë në autostradë e po i drejtohen Tiranës duke bllokuar lëvizjen e trafikut në autostradë. Protestuesit janë te Ura e Dajlanit. Në krye të protestuesve janë deputetë socialistë, si Blendi Klosi.

LEZHË, BLLOKOHET AKSI DREJT TIRANES
Ora 12. 32 Në Lezhë protestuesit kanë bllokuar aksin kombëtar Lezhë- Tiranë.

KQZ, 2 POLICË TË LËNDUAR
Ora 12. 30 Nga pamjet e transmetuara direkt nga tv NEWS24 dy polici janë larguar nga kordoni policor, pasi duhet të kenë pësuar lëndime. Ata jane pare te shoqerohen  nga koleget e tyre ne drejtim te makinave te policise.

HAPET KUTIA 1809/1, 1 VOTË BASHA
Ora 12:22 KQZ ka hapur kutinë më numër 1809/1, ku sipas kryetarin Ristani në këtë kuti rezultojnë 3 fletë të pa numëruara. 2 fletë votimi për kryetar të njësisë bashkiake Vait Kalaja. 1 fletë votimi e vlefshme për kandidatin për kryetar bashkie të PD Lulzim Basha.
Përfaqësuesit e PS: ‘Kontestojmë se në procesverbal u tha është e vlefshme dhe ajo është përllagoritur një herë’.
Administrata e KQZ: ‘Në procesverbal është shënuar se janë gjetur fletë të kontestueshme të hedhura në kutitë gabim dhe që është firmosur nga të gjithë anëtarët e komisionit’.
Subashi: ‘Ndryshimi i tabelave të rezultatint e bën nul procesin e numërimit.

FIER, BLLOKOHET AKSI NACIONAL FIER-LUSHNJE
Ora 12. 13 Qindra protestues socialistë kanë marshuar nga sheshi “Fitorja” në drejtim të hyrjes së qytetit duke thirrur “Poshtë Diktatura” dhe “E duam Shqipërinë, pa Salinë”,. Më pas protestuesit kanë përshkruar 5 km në këmbë duke u vendosur te Ura e Mbrostarit, pjesë e aksit Fier- Lushnje. Mbështetësit PS kanë vendosur goma makinash në mes të rrugës dhe i kanë vënë flakën. Konstatohet një prani e madhe e forcave policore. Në krye të protestuesve PS janë vënë re deputetë socialistë, si Gramoz Ruci. Protestuesit kanë deklaruar se do të bllokojnë aksin nacional deri në një afat të papërcaktuar.

KQZ 25 KUTI TE HAPURA , BASHA 49 VOTA, RAMA 15 VOTA
Ora12:12 Deri tani jane hapur 3 kuti të reja përkatësiasisht kutia me numër 17 93, 17 96, 17 97, 1809/1, 17 99. Nga 25 kuti të numëruara ( qe prej dites se djeshme) rezultojnë 49 vota në favor të kandidatit demokrat, Lulzim Basha dhe 15 vota për Edi Ramën. Këto vota do i shtohen rezultatit paraprak për kryeqytetin, dhe Basha momentalisht ka 34 vota më shumë se rivali i tij socialist i “Aleanca për të Ardhmen”.

KAVAJE, 300 PROTESTUES BLLOKOJNE AKSIN RROGOZHINE- KAVAJE
Ora 12: 03 Në Kavajë rreth 300 protestues kanë bllokuar rrugëm Rrogozhinë-Kavajë. Ata kanë djegur gomat e makinave në mes të rrugës dhe kanë deklaruar se do ti drejtohen me vone Tiranës.

NIS PROTESTA DHE NE LEZHE E DURRES
Ora 12.00 NEWS24 informon se ka nisur protesta e socialistëve edhe në Lezhë e në Durrës. Protestuesit e Kavajes kanë bllokuar aksin nacional Rrogozhinë- Kavajë.

HAPET KUTIA 17 97 KZAZ 48, 1 VOTË BASHA
Ora 11: 55 Ristani: ‘Në kutië 17 96 janë gjetur 5 fletë votimi që nuk i përkasin kësaj kutie, 3 fletë votimi për kryetar minibashkie, fletë votimi e rregullt për Hysen Gjurën. 1 fletë votimi për këshillin e bashkisë shkon për PD. 1 fletë votimi e kontestuar për kryetarin e bashkisë shkon për kandidatin për kryetar bashkie e vlefshme për Lulzim Bashën’.

SITUATA E TENSIONUAR JASHTE, KA DHE PERPLASJE FIZIKE
Ora 11. 54 Jashtë militantët dhe deputetët PS tentojnë herë pas here të thyejnë kordonin policor për të kaluar në ambientet e KQZ-së. Nga pamjet direkt vihen re dhe përplasje fizike mes protestuesve dhe forcave të policisë të cilët janë të veshur me veshje speciale dhe me skafandra.

HAPET KUTIA 17 96 KZAZ 48, 1 VOTË BASHA
Ora 11:43 Hapet kutia 17 96 e KZAZ 48. ku ësthë konstatuar një fletë votimi e panumëruar për kryetar bashkie që shkon në favor të kandidatit të PD Lulzim Basha. Në kuti rezulton edhe një fletë votimi e panumëruar për kryetar të njësisë bashkiake numër 4 dhe 1 fletë votimi për kryetar minibashkie për kandidatin Hysen Zhura.

FIER, NIS PROTESTA E MILITANTËVE TË PS
Ora11:37 Militantët e Partisë Socialiste në qytetin e Fierit i janë përgjigjur thirrjes së deputetë socialist për revolta popullore në mbarë vendin për të mbështetur revoltën që po zhillohet pranë KQZ në kryeqytet. Në Fier protesta po zhvillohet para sheshit Fitorja.

KAVAJË, MILATANTË TË PS NË PROTESTË
Ora 11:34 Përgjigjes për revolta popullore të PSnë mbrojtje të votes i janë përgjigjur militantët socialist të qytetit të Kavajës. Militantët e shumtë kanë bllokuar rrugën tek Ura e Drazhit.

TENSIONOHET SITUATA JASHTE KQZ-SE
Ora 11. 29 Tension jashtë KQZ. Turma e militantëve socialiste per disa minuta kanë tentuar të shtyjnë e të çajnë kordonin policor për të hyrë në oborrin e KQZ. Kordoni policor me policë me skafandra është më i përforcuar se një ditë më parë. Ndërkohë që te dera, ne hyrje te godinës se KQZ-se, janë vendosur kordonë të tjerë policor. Në rresht të parë vihen re deputetët PS, si Taulant Balla, Sajmir Tahiri, Fatmir Toçi. Militantet therrasin emrin e kryetarit socialist, kandidat per bashkine e Tiranes. 

HAPET KUTIA 1793, FLETA E NUMERUAR PER BASHEN, ME SHENJE
Ora 11: 27 Në kutinë 17 93 u morën në shqyrtim një vote që ishte për Lulzim Bashën. Sipas Subashit zarfi që u hap nuk është zarfi i fletëve të kontestuara. Sipas saj është “një zarf që nuk i përket fletëve që u gjendën aty, që lejon të mendon një pikëpyetje të madhe. Kush i futi këto fletë votimi në këtë zarf. Përgjigjen do e marri hetimi I zgjedhjeve në Shqipëri.
Sipas Salianit të PS, fleta ka probleme, ka shenja. „Ka shenjën e stilolapsit dhe është grisur. “ Ristani akuzoi përfaqësuesin e PS-se se i ka bërë ai shenjë fletës, në kzundërpërgjigje Saliani i tha se nëse i ka bërë ai atëherë largohet menjëherë nga salla. Pas debatit fleta u vlerësua si e pavlefshme. U vlerësuan dhe 3 fletë votimi të kontestueshme në favor të kandidatit të kryetarit të njësisë minibashkiake.

Ora 11. 10 Rinis hapja e kutive për fletët e kontestuara. Do numerohen fletët e kontestuara ne kutine 17 93

KQZ: DO NUMEROHEN DHE FLETET NE 5 KUTI TE TJERA;DEBATE
Ora 11: 04 KQZ miraton me 4 vota ( vetëm votat e anëtarët e maxhorancës) dhe numërimin e fletëve të panumëruar dhe për 5 kuti të tjera. Kreu i KQZ-së tha se “procesi i numërimit nuk ka mbaruar, dhe dalin ende fletë të tjera të panumëruara.” Kështu listës së
hapjes së kutive do i shtohen dhe kutitë 1793, 1796 1799, 18 09/1 . Perfaqesuesit e PS kundershtojne, Përfaqësuesi i PS Eridian Saliani tha se “ju si KZAZ duhet të ktheheni në KQZ për të marrë vendim në lidhje me këtë numëruar”

QINDRA MILITANTE PS PARA KQZ, POLICIA BLINDON GODINEN
Ora 10: 37 Ndërsa mbledhja ka nisur ne KQZ, qindra militante PS jane vendosur jashte godines se KQZ e cila eshte blinduar nga policia.. Tre kordone policore jane vendosur prane hekurave te oborrit te KQZ, gjithashtu eshte blinduar dhe dera e KQZ

DEBATE PER AKTIN NORMATIV TE MIRATUAR DJE NGA KQZ
 Ora 10 35- Përfaqësuesi i PS-së Gjoncaj kërkoi “vërtetimin juridikisht të aktit që votuat dje.” “Ky akt po provon pasoja në ndryshimet e tabelave të rezultateve. Para se të ninsi me hapjen e kutive të tjera duam të jemi në dijemi të vëretetojmë juridikisht cdo akt.”-tha Gjoncaj. Nga ana e tij KQZ-së Ristani tha se po “Vazhdojmë me vendimmarrje të ndërmjetme”

Përfaqësuesi i PD-së, Kosovrasti tha se në këto momente KQZ po luan rolin e KZAZ së madhe të Tiranës dhe KZAZ i merr vendimet me 4 vota. Nënkryetarja Subashi e Artur Laze, dy përfaqësues të PS-së thanë se KQZ në rolin e KZAZ ka kompetencë vetëm nxjerrjen e tabela përmbledhëse.

KQZ NIS MBLEDHJEN, REPLIKA SUBASHI- RISTANI
Ora 10. 13 Nënkryetarja e KQZ-së Deshira Subashi tha se Ristani i është drejtuar asaj në mënyrë “fyese” dhe për këtë do ndiqte rrugën ligjore.Ajo i bëri thirrje publike Ristanit “që mirësjelljen time mos e keqpërdoro”. “Dua tju them se vendsmërinë time mos e vini në provë, sepse këtë vendosmëri e kam të provuar nga jeta ime”- vazhdoi Subashi.
Mos u merr me cështjen e moshës time. Mosha në profesion është vlerë. Nga ana e tij Ristani tha se kjo kishte ndodhur pasi “Ju ndryshuar qëndrim, dhe morët urdhër politik për të vepruar kundra ligjit”. Sipas tij përmendja e moshës e kishte bërë për shkak se i kishte mbaruar mandati dhe se qëndrimi im “nuk është cinik, por është detyrim ligjor që më është dashur ta bëj.”

Gjatë ditës së djeshme KQZ ka numëruar 20 kuti votimi tek të cilat kanë rezultuar 60 fletë votimi të panumëruara. Nga 60 fletët e numëruara, rezultuan 46 në favor të kandidatit demokrat, Lulzim Basha dhe 14 vota për Edi Ramën. Nëse këto vota do t’i shtohen rezultatit paraprak për kryeqytetit, atëhere Basha momentalisht figuron fitues me 22 vota më shumë se rivali i tij socialist i “Aleanca për të Ardhmen”. Procesi i numërimit të votave të kontestuara në KQZ zgjati për rreth 12 orë për t’u ndërprerë në orën 23:54 të mbrëmjes së djeshme dhe per tu nisur sot ne oren 10:00.

POLICIA SHPERNGULET JASHTE KQZ, NE GADISHMERI 
Ora 09. 40 Mobilizohen forcat e policisë para KQZ. Përvec forcave të rendit ka dhe forcat e FNSH, e RENEA. Mbledhja pritet të nisë në orën 10:00 dhe në këto momente situata është ende e qetë.

PS PARALAJMERON NISJEN E PROTESTAVE
Partia socialiste do të nisë nga dita e sotme protesta popullore në të gjithë vendin me qëllim rrëzimin e qeverisë Berisha. Vendimi u mor ne mbledhjen e grupit te kësaj partie orët e vona të mbrëmjes së të mërkures. Në mbledhjen e dyte radhazi brenda 24 orëve, deputetet socialiste vendosën në unanimitet që të nisin protestat në të gjithë vendin nga veriu ne jug. Protesta pritet të nisë fillimisht ne Tiranë,jashte godines se Komisionit Qendror të Zgjedhjeve, për të kundërshtuar vendimet e këtij komisioni për numërimin e fletëve të kontestuara dhe paralelisht me to do të zhvillohen protesta në mbrojtje të votës së lirë edhe në qytete të tjera.

GSH shkruan se në orën 11:00 do të nisin pothuaj njëherësh protestat në Vlorë, Fier, Berat, Korçë, Elbasan etj. Një orë më pas, në 12:00 socialistët e Durrësit, Kukësit, Lezhës, etj, do të protestojnë gjithashtu me bllokime të hyrjeve kryesore të qytetit.

MBLEDHJA DJE NE KQZ
Përfaqësuesit ligjorë të Partisë Socialiste, Genc Gjonçaj dhe Eridian Saliani, pretenduan në disa raste se KQZ nuk po vlerësonte votat e kontestuara por ato të shpallura si të pavlefshme nga KZAZ-të. “Cila është procedura? Tabela 17/84 nuk ka asnjë kontestim do të thotë se ky grup numërimi nuk i është drejtuar KZAZ por e ka vlerësuar këtë tabelë dhe e ka shpallur të pavlefshme 17 fletë votimi”, u shpreh Saliani, referuar kutisë që i përkiste KZAZ-së Nr.48, të njësisë bashkiake Nr.4. Përfaqësuesit ligjorë të PS-së, pretenduan gjithashtu se në disa nga kutitë me votat e kontestuara që u vlerësuan nga KQZ, rezultonin më shumë vota sesa votues ndërkohë që në kuti të tjera kodet e sigurisë nuk përputheshin me ato të raportuara nga vetë Komisionet Zonale të Administrimit Zgjedhor.

Në momentin e hapjes së kutise se pare 1759, gjatë ditës së djeshme situata u tensionua derisa degjeneroi në përplasjen fizike mes drejtorit të komisioneve zgjedhore në KQZ, Alfred Spahiu dhe dy përfaqësuesve ligjorë të PS-së, Genc Gjonçaj dhe Eridian Saliani. Palët nuk i kursyen njëra-tjetrës grushtet, shqelmat, kapjet pas xhakete deri dhe të pështyrat në fytyrë.
(s.g/e.m/BalkanWeb))

top-channel

“Ne kemi parë ngjarjet post-zgjedhore të këtij mëngjesi.

U bëjmë thirrje të gjithë aktorëve, qofshin këta parti politike, individë, institucione shtetërore dhe Komisionit Qendror të Zgjedhjeve, që të ruajnë atmosferën konstruktive e cila ka mbizotëruar gjatë ditës së zgjedhjeve”, thuhet në këtë deklaratë.

Duke shtuar më pas se gjatë fazave të procesit zgjedhor, ato duhet të respektojnë ligjin dhe të tregojnë vetëpërmbajtje.

“Të gjitha hapat që duhet të ndërmerren, duhet të bëhen brenda institucioneve dhe në përputhje me ligjin e përfundimi i zgjedhjeve duhet të procedohet sa më shpejt të jetë e mundur”, përfundon qëndrimi i Komisionit Evropian.

tvklan

basha

Kandidati i “Aleancës për qytetarin’ për bashkinë e Tiranës, Lulzim Basha ka inkurajuar komisonerët dhe vëzhguesit e Partisë Demokratike që të vazhdojnë procesin e numërimit, ndërsa ka vënë në dukje bllokimin e procesit nga komisionerët e opozitës.

“Ndërsa numërimi vazhdon është zhgënjyes bllokimi në qendrat e votimit që tradicionalisht favorizojnë  Partinë Dedmokratike.”- tha Basha.

Çdo votë duhet të numërohet me transperencë, dhe zëri i qytetarit duhet të dëgjohet, tha ai.

Basha shprehu besimin e tij për fitoren në Tiranë, ndërsa theksoi vendosmërinë për të pritur rezultatet përfundimtare.

panorama plus